السلام عليكم ورحمة الله وبركاته
1/12/2012
الحلم اني زي ما اكون في مدرج منعقد فيه احدى الندوات عندنا في الكلية
و كنت قاعدة في المدرج من فوق و زمايلي معايا ,,, و شايفة على كراسي المدرج السفلية الرئيس صدام حسين بكفنه و راسه بس اللي باينة و صاحي ,, و كمان الشيخ جابر امير الكويت الله يرحمه بكفنه و راسه باينة و عايش و كمان الشيخ سعد و كتير من رؤساء الدول العربيه اللي ماتو بس دول اللي كانو قريبين مني و ميزتهم ... و قلت لصاحبتي اللي جمبي و شاورت على صدام و قلتلها " بصي ده الرئيس صدام !! و اول ما شاورت عليه راح دافن راسه جوه كفنه .. و استغربت أويي ,,, و فجأة لقيت الساعة بقت 1 و نص و استدركت اني تأخرت على شغلي واتدايقت و عاتبت زميلي اللي نظم الندوة انه ازاي ما يعلنش عن الوقت بوضوح او ينبهنا عشان ما نتاخرش عن شغلنا ... و لقيت نفسي انا الوحيدة اللي متدايقة من النقطة دي و ان كل زميلاتي ماعندهمش شغل .. فاخدت صحبتي انتيمتي و سبت الندوة و مشيت ...
ممكن تفسير ؟
منقول
الرئيسية 
