بسم الله الرحمن الرحيم
الرؤيا بتاريخ اليوم 12/7/2014
كنت عند أقاربي بقضي معاهم وقت لعبنا ماتش كورة وانا تقريبا لعبت في هجمة واحدة فقط وسيبتهم يكملوا وكنت باكل بطاطس شيبسي وكان الكيس مليان
واحد منهم(محمد) كان معاه عملة نادرة ب 7 قروش وفرط فيها وادها لحد وبعدين زعل انه فرط فيها واتبقى معاه عملتين 20 قروش و 10 قروش
وبعدين(ع) كان لابس لبس كاراتيه وحزام أسود قالي بتعرف تلعب كاراتيه بس يقصد بالدراعات (جوي ستيك) قلت لأ راح يلاعب حد تاني وانا قاعد باكل لسه في كيس بطاطس الشيبسي
وكان لسه مليان.
سهرنا وقربت اروح لقيت واحد منهم بيقول ل(أ) انت كلمت فلانة قال لأ وكان اتأخر انه يكلمها قلت لهم فلانه أختي؟ قالوا اه كانت عايزة تقول لك انك تودي ورقة الأوقاف بالمرة وهيفتح الساعة 8:30 قلت انا لسه هستنا...انا عاوز اروح، ببص للساعة لقيتها 8:00 قلت طيب كويس
(أ) جابلي كيس شفاف جواه مثلثين مخبوزين وتقريا عليهم جبنة والله اعلم وكان في ناموسة مقلبظة وشاربة دم جوة الكيس شيلتها ورميتها وكنت قرفان انها جات على الأكل، الورقة المفروض انها واحدة من المثلثين دول وكنت باكل بطاطس اقرب ان تكون محمرة من ان تكون مسلوقة والمفروض ان مصلحة الاوقاف في العباسية ولي خال هناك هيساعدني
جزاك الله خير اخي وغفر لك ولي