وافقة في الشباك ونظرى ناحية السماء واذا بها سودا

السلام عليكم ورحمة الله وبركاته

فجر اليوم 2/2/2014
انى وافقة في الشباك ونظرى ناحية السماء واذا بها سودا اوى وبها برق ورعد شديدين اوى واشعة البرق البيضا لا تظهر من شدة سواد السما وسمعت اصوات كتيرة شديدة اوى منها (بس معرفش هل دى اصوات البرق والرعد بس ولا حاجة تانية) وبعدين بصيت اوى للسما اتبين ايه سبب سوادها لقيت دخان خارج منها (زى الدخان اللي بيطلع مننا ايام الشتا لما بننفخ في الهوا) وكان في طيور قريبة من السما واحدة لونها ابيض واظنها حمامة الله اعلم وبجانبها طيور سودة اوى واظنها غربان والله اعلم ففضلت اقول لا اله الا الله وانادى علي جوزى يجى يشوف السما عاملة ازاى واستغفر الله واقول في نفسي دى شكلها غضب من ربنا وادعو الله انه يسترها وتعدى علي خير وفضلت اوحد الله حتى انقلبت السما الي النهار وضوء ابيض جميل احساسي به كان كأحساسي باول ايام العيد ورايت الناس في قمة السعادة ويملؤن الشوارع بالزينة اللعب المطاطية كتلك التى كانت في رابعة العدوية فقلت في سري هو مرسي رجع ولا ايه شكله رجع والله اعلم وسئلت الناس بصوت عالي قالولى ايوة مرسي رجع فحمدت الله كثيرا وظللت علي قول لا اله الا الله كتير اوى اوى واستيقظت من النوم ارددها .اسفة علي الاطالة علي حضرتك وان شاء الله تكون خير_ منقولة

اقترب حدوث امر كونى جلل وعظيم يمهد للخلافه وحروب الكفار للمسلمين
وباقى الرؤى من النفس لاشئ فيها
والله اعلم