من قبل كده حلم او رآى رؤية فيها الرسول محمد عليه الصلاة والسلام ؟ ، أنا بصراحة حلمت مرتين بيه قبل كده وأنا صغير شوية وفي المرتين متتطابق الشكل ولازلت متذكر شكله جدا في الحلمين وملامح وجهه رغم ان الأحلام دي في طفولتي من زمان لايقل عن 20 الى 10 سنين فاتوا ، ولما كبرت عرفت وقريت ان رؤيا الرسول عليه افضل الصلاة والسلام حق وان فعلا بيظهر في الحلم بشكله الحقيقي الأصلي ، عايز أعرف حد مر بتجربة زي دي في الحلم ان شاف محمد عليهالصلاه والسلام ولا لأ ؟ وكان طالع ازاي وأوصافه زي مشفتوه.
14/12/2010
الحلم الأول كان له عليه الصلاة والسلام وهو يجلس على عرش او كرسي حوله نجوم وكأنه سابح في الفضاء وبجانبه كائنات غريبة ارجح انها ملائكة او تخيلتها كده وفي وضع انحناء او ركوع ، وشكله كان ليه لحية مش كبيره مثلثة كده وأبيضاني ولابس عمامة ومش ملين يعتبر رشيق ، ليس وسيما جدا في رأيي كملامح وجه ولكن شكله مريح ومقبول جدا وعينيه مش واسعة اوي عادية. ده الحلم الأول. وده وانا كان عندي حوالي 10 سنين كده.
حلم تاني وأنا اكبر شوية حوالي 14 أو 15 سنة، حلمت اني كنت بصلي في جامع صغير اوي زي مبيقولوا زاوية عندنا في مصر وكان عدد المصليين يتبر مش كتير ومعرفهمش بس انا كنت بصلي في الصف التاني مش الأول ومش شايف الامام وبعد كده لقيت الامام ده قرب مني بعد الصلاه على طول والناس بتمشئ وطبطب على كتفي وبعد كده عرفت في الحلم ان الامام ده هو الرسول عليه الصلاة والسلام ، وعلى فكره برضه نفس شكله ساعة ماجالي في الحلم الأول ورغم اني دلوقتي عندي 26 سنة بس لسه فاكر الحلمين دول بكل تفاصيلهم حتى ملامح الرسول عليه الصلاة والسلام كأني شوفته امبارح ...
نقطة تانية أنا لا اعتبر نفسي شيخ او رجل دين او أدعي حتى انني متدينا جدا لا اعتبر متدينا جدا للأسف على قدي في الدين .وده اللي شوفته بجد في الرؤيا اللي شوفتها للرسول عليه الصلاة والسلام.
ملحق #2 14/12/2010 7:04:04 م
ومعذرة لآني لا أجيد وصف ملامح الأشخاص اوي ، على قد مقدرت وصفته ، وياريت اللي شافه يوصفلي برضه
منقولة
الرئيسية 
