السلام عليكم
انا عندى مجموعة رؤى ونفسي حد يقدر يفسرها
من 11 سنه حلمت بالرسول راكب عربيه وانا شايفه وبتفرج عليه من بعيد والعربيه دى بيطلع بيها فوق جبال من قمامه وبينزل وهكذا لحد ما وصل لجبل عالى نزل من عليه ومطلعش تانى
الرؤيا التانيه بعدها بسنه..حلمت ان فى مبنى عليه اثار حرب وهدم وواقف ومعايا سيفين وسيف سيدنا على فى ايدى اليمين والرسول واقف فى ضهرى وناس كتير قوى بيهجمو عايزين يقتلوه وانا بدافع عنه وبقتلهم وهما كير فحاولت انادى على صديق ليا قوى كان فى الدور التالت فالرسول قالى لا انت لوحدك كفايه ,,وبعدين اتنقلت لبيتنا وبقيت شايف قدامى بدر و 27 شمعه وحاجه بتقول المهدى وبعدها بشويه ظهر زى دخان كده اسود بيقول انا الله وانا خفت من الدخان ده قوى وكنت بقول الله نور ع نور فى قلبي ومن الخوف صحيت من النوم
...وبعدين ما حاولتش ادور ع تفسير الرؤيتين دول ومن كام شهر حلمت ان السيسى راكب عربيه موديل السيتينيات فانا روحت ركبت جمبه وكنت لابس الساعه بتاعته وقولتله خلى بالك السكه الى انت واخد مصر فيها دى خطر قوى ومش كل قادة الجيش راضيين عنك فبصلى بتكبر ومردش فقولتله هقولك حاجتين مهمين قوى الاولى انا وانت هيبقي لينا دور مهم قوى فى البلد دى (الرؤيا دى قبل ما يكون رئيس) التانيه والاهم انا وانت هنموت مقتولين
بعدها باسبوع كنت بدور ع تفسير الرؤيا دى فحلمت انى ماشي فى الشارع وفى شهب ونيازك كتير بتنزل ع الارض والدنيا مقلوبه وانا مش فى بالى وماشي بغنى وقعدت تحت عماره فنزل قدامى 3 شهب واتحولو لهيئة بشر وقالولى احنا ملايكه جاينلك من عند سيدنا يوسف عشان يفسرلك الرؤيا بتاعتك وبيقولك مش هتتفسر غير لما تبعد عن البنات وتصلى وتتقى ربنا فانا قولتلهم متحسسونيش انى هبقي حاجه مهمه مثلا بسخريه فمردوش عليا فقولتلهم طب حد يطلع يسأل سيدنا يوسف هو قاصده انهى رؤيا من ال 3 رؤي فبرضو مردوش عليا وانت الرؤيا
حالة الرائي:25 سنه من مصر غير ملتزم(بقطع فى الصلاة ولى علاقات كتير للأسف ) غير مؤيد لأى فصيل سياسي
==================================================
يا من لا يشغله سمع عن سمع، ولا يغلظه السائلون، ولا يبرمه إلحاح الملحين، أذقني برد عفوك، وحلاوة مغفرتك
سجلت لأجل تعبير رؤاي، أو قول كلمة حق أراها، لا أكلم رجالا ولا أناقش، ولا أجادل