اعتذر على طول المنام

السلام عليكم ورحمة الله وبركاته
 
رأيت أنا كنت موجودة بمكان جنب بيتنا مباشرة وهو مختلف عن الحقيقة لما دخلت المكان دا لقيت في بنات كتيرة جدا بتغير لبسها وبتجهز نفسها لحاجة والي بيجهز نفسو بيخرج برا
البنات دول المفروض انهم طلبة تمريض منهم بنات اكبر مني بسنة وبنات اصغر مني بـ 14 سنة وبنات ماعرفهمش خالص
وبنت اختي كانت جنبي وهي اصغر من بـ 14 سنة بس ماكنتش تجهز نفسها كلهم كانو بيحطو مكياج بشكل دايقني لدرجة اني عرفت نوع المكياج من ريحتو وانا ببص على الارض لقيت علبة كريم هما بيستخدموها ورموها لانهم شبه انتهو رفعت العلبة وتفاجئت انها ابتعتي انا
عليت صوتي عليهم كتير جدا وقلتلهم انتو بتقرفو ولكن كان فيهم بنت صحبتي وصحبتي دي متوفية حبيت اصالحها لاني عليت صوتي عليها قلتلها لما تخلصي الي في اديك تعاليلي
ملحوظة (( البنت دي اصغر مني بـ 14 سنة ولسى مقدمة على مدرسة التمريض ))
تركت المكان وخرجت وانا متعصبة دخلت بيتنا واول ما دخلت شفت نفسي خارجة من بيت عمتي وقابلت واحد في شارع عمتي انا اعرفو بيقولي متعصبة ليه حكيتلو الي حصل وقولتلو ان انا قلتلهم انتو حيوانات بس انا ماقلتش كدا قلتلو استنى ورجعت تاني على شان اقول للبنات انتو حيوانات على شان مطلعش كدابة
لما رجعت تاني ودخلت من الباب فجأة لقيت نفسي داخلة مستشفى وكنت لابسى لبس شغل وعليه بالطو ابيض ولابسة حجاب وفي بنتين ماشيين وراي المفروض انا معلمة عليهم رغم ان في واحدة زميلتي بالشغل والتانية ماعرفهاش
البنتين بيقولو عليا كلام مش كويس بس مش عارفة هو اية وقابلت اتنين دكاترة رجالة قدامي فيهم واحد اسمو احمد بيشكر فيا بس انا ماعرفش احمد دا وقفني سلم عليا وسبتو ومشيت ونهاية الممر الي كنت ماشية فيه كان في فرد امن واقف بعد مامشيت وقفني ولما شاف وشي قالي انتي الي بتهزري كتير خلاص عرفتك البنات الي كانو ماشين وراي قالو دي عمرها ماعرفت تهزر
ولما خرجت من الباب فجأة لقيت نفسي بشارع ومعاي بنت ماشية جنبي جارتنا ولكن في الحقيقة البنت دي انا مقطعاها من تلات سنين كنت ماشية انا وهي بالشارع لابسين اسود وانا مش لابسى حجاب وشعري اقصر من الحقيقي كان في عزى في الشارع العزى دا كان خاص باهلها وكانت في ناس لابسى اسود بشكل كبير جدا جدا
بكلم نفسي وبقول دول رايحين فين دلوقتي العزى ماكملش تلات ايام هما كانو مجمعين نفسهم على شان يطلعو المقبرة في صوت رد عليا بيقلي النهاردة الخميس لازم الزيارة تكون النهاردة طلعت البنت في العربية مع الناس الي هيمشو وانا كملت في الشارع اروح بيتنا وكنت باصة في الارض وبعيط قوي ومش عارفة بعيط ليه لاني مقاطعة الناس دول في الحقيقة وفي الحلم ورحت البيت لقيت امي قاعدة قدام الباب لابسة اسود واختي قاعدة في الصالة عيطت بحرقة قلب وقلتلهم في ايه في البيت اختي فتحت شوال قدامها وبتقليد ا طقم ليوسف ولريتاج ( امهم اخوات الولاد دول ) اختي بتقلي احنا علملين ليلة لله ليهم على شان ربنا يكرمهم على شان لو ربنا ماكرمهمش انا وقفتها عن الكلام ومخليتهاش تكمل
طلعت برا وبعيض وبسأل امي ابوي فين وامي كانت بتبكي اختي ردت عليا وقالتلي دلوقتي الساعة 6.30 اكيد هو في الدرس الي في المسجد بصيت في الشارع لقيتو قاعد في عربية ومعاه اتنين رجالة كبار في السن انا معرفهمش وهو كان شكلو تعبان واختي ام ريتاج ماسكة طفل وهي ال بتسوق رغم انو في الحقيقة معندهاش عربية ومتعرفش تسوق وكانو مجهزين نفسهم على شان يروحو واجب العزا ودخلت البيت لقيت رجالة كتير معرفهاش وكاسيت شغال بيقول صل الله عليه وسلم اتكررت كتير
صحيت فجأة من النوم لاني حسيت ان الكاسيت جنب ودني بس مالقتش حاجة
 

الرجاء تفسيرها وشكراً

وانا اعتذر عن تاويلها 
اختى هل انت طبيبه او تعملين فى مجال طبى 
والله اعلم

لا عليك لكنى لا اعبر رؤيا انا بها 
وانا شفت نفسي فى رؤياكى 

لهذا سالتك هل انت طبيبه 

والله اعلم

متى كانت الرؤيا 
اعطينى التاريخ 
والساعه 
والله اعلم

بصى الرساله واضحه تماما 
فى اخر الرؤى 
صوت الكاسيت 
وانت صحيتى لان الصوت فى ودنك 
واستمر 
هوا ده رساله الرؤي 
ما تخافيش منها 
سيبيها واستبشري 
العزى فرح فى المنام ونصره 
والله اعلم

احمد الله - ابراهيم كتب:

لا عليك لكنى لا اعبر رؤيا انا بها 
وانا شفت نفسي فى رؤياكى 

لهذا سالتك هل انت طبيبه 

والله اعلم

الله امل الرؤيه دي مين الا كان بها وانت عبرتها ازي كده 

https://ahmedibraahmed.forumegypt.net/t10405-topic

ودي كمان 

https://ahmedibraahmed.forumegypt.net/t10019-topic

ودي 

https://ahmedibraahmed.forumegypt.net/t10367-topic
ودي

https://ahmedibraahmed.forumegypt.net/t9692-topic
ودي

https://ahmedibraahmed.forumegypt.net/t10305-topic
ودي

https://ahmedibraahmed.forumegypt.net/t4533-topic

اوعي تقول ده احمد ابراهيم تانيه او تشابة اسماء 


ههههههههههههههه

احمد الله - ابراهيم كتب:

وانا اعتذر عن تاويلها 
اختى هل انت طبيبه او تعملين فى مجال طبى 
والله اعلم

لا تعتذر لا داعى للاعتذر هي الرؤيه مكتوبة للتؤيل مش كده برضوا 



ارجو ان تؤلها اظن تؤيلها سيعجبني كثيرااااا

اعلم
والله اعلم

اختى لا عليكي احد الاعضاء يحاول ان يستخف 
والله اعلم

اختي الكريمة 

الروءى الطويلة في الأغلب هي حديث نفس فلا تقلقي من هذا الحلم